Çfarë mund të bësh kur ke humbur 14 ndeshjet e para të kampionatit, në debutimin në Serinë A? E thjeshtë: ta marrësh me humor, fundja nuk është fundi i botës.
Arsye për të qeshur me rekordin e hidhur të Beneventos nuk ka, por të paktën tifozët e klubit të vogël në Kampania e marrin me optimizëm dhe e shohin gotën gjysmëplot, fundja e provuan Serinë A, nuk i kritikon njeri që po zbresin nga kategoria.
Përveç kësaj, tifozët i gëzohen ribashkimit me drejtuesen superseksi në Sky Sport, Dileta Leota, e cila drejton çdo javë emisionin kushtuar Serisë B dhe është kthyer në idhullin e tifozëve të Serisë B, të cilët e konsiderojnë si “pronë” të vetën.
Për këtë arsye, tifozët e Beneventos këndojnë me autoironi se po kthehen në luajnë të shtunën dhe ndërkohë është kthyer në hit një poster me Dileta Leotën: Dileta, po vijmë!
