“Tërbohet” Evertoni, shpenzon edhe 30 milionë sterlina për dy lojtarë

Mançester Junajtid, Çelsi e klubet e tjerë të mëdhenj të Premier Ligës premtojnë blerje të mëdha, por është Evertoni një ndër klubet që po bën namin në merkaton verore.

Klubi nga Liverpuli e ka seriozisht dhe kërkon të ndërtojë një skuadër të madhe, ndaj sot ka bërë dy goditje të tjera, duke e çuar shpenzimin veror në 85 milionë sterlina.

Blerja e parë e ditës ishte sulmuesi Sandro Ramírez, i blerë nga Malaga për 6 milionë euro (5.3 milionë sterlina).

21-vjeçari, i cili shënoi 16 gola në 31 ndeshje për Malagan sezonin e fundit, bashkohet me portierin Pikford dhe mesfushorin Dejvi Klasen.

Ndërkaq, pas Sandros, në mbrëmje Evertoni ka mbyllur edhe blerjen e mbrojtësit të Bërnlit Majkëll Kin, për 25 milionë sterlina, plus 6 milionë bonuse.

Mbrojtësi është pjesë e kombëtares angleze dhe kërkon nga shumë klube, por garën e ka fituar Evertoni, që po ndërton një skuadër fantastike.

Megjithatë, problemi madhor është Lukaku, sepse sulmuesi kryesor kërkon të shkojë te Çelsi.

Leave a Reply

Your email address will not be published. Required fields are marked *

where can i buy doxycycline over the counter buy doxycycline online