Olsi Teqja është rikthyer në Kategorinë Superiore. Sezonin e shkuar ai ishte pjesë e Shkëndijës së Tetovës, klub me të cilin fitoi kampionatin dhe Kupën e Maqedonisë. Në fund të kampionatit u largua dhe ofertat për të nuk munguan nga ekipet e elitës së futbollit shqiptar.
Tashmë ai ka vendosur se ku do të luajë. Do të jetë Kamza ekipi i tij i ri, pasi ka nënshkruar me këtë skuadër dhe pritet të bashkohet në Ohër me pjesën tjetër të ekipit.
Teqja mund të luajë në disa pozicione në fushë: qendër të mbrojtjes dhe mesfushës, si dhe në linjën e djathtë të prapavijës. Ai ka eksperiencë të madhe në Superiore, pasi ka luajtur me Kastriotin, Bylisin, Laçin dhe Tiranën.