Edhe pse shteti shqiptar ka marrë masa ekstreme për të garantuar qetësinë në finalen e Uefa Conference League, duket se tifozëve të Romës dhe Feynoord nuk iu interesoi aspak. Gjatë mbrëmjes së djeshme, mbështetësit e të dyja skuadrave janë konfliktuar me policinë shqiptare.
Në mënyrë që të bëjë të pamundurën për të shmangur përplasjen midis tifozëve holllandez dhe atyre italiane, Policia e Shtetit ka krijuar një kordon sigurie në zonën e “Ish Bllokut”, aty ku është dhe përqendrimi më i lartë i tifozëve të Romës. Forca të shumta policie pritet të shtohen ditën e sotme për të shmangur rastet e dhunës. /Elio Hajdari-Sport Ekspres/