Skedinat janë një nga dashuritë më të mëdha të sportdashësve, që shpesh dëshirojnë të provojnë fatin e tyre në parashikimin e ndeshjeve. Një gjë të tillë e ka bërë edhe Carl Edwards, një pronar i një dyqani lodrash seksi nga Birminghemi. Verën e shkuar anglezi ka vendosur të vërë bast 50 cent për një skedinë që atëherë ndoshta mund të dukej si e pamundur.
Edëards kishte parashikuar fituesit e katër ligave angleze, Manchester City në Premier League, Norwich në Championship, Hull në League One dhe Cheltenham në League Two, ndërsa e vetmja që mban pend 12.500 pandët e tij është Atletiko e Madridit. Shifra e parave që mund të fitojë me vetëm 50 cent është e gjitha në dorën e skuadrës së Simeones, që në rast të kurorëzimit kampion do të sillte gëzim të madh edhe në Angli.
“Unë jam një shkatërrim nervor për momentin. Pothuajse më dha një sulm në zemër kur Barcelona lejoi një gol në minutën e fundit. Unë kurrë nuk kam fituar një bast si ky në jetën time dhe të mendoj se mund të fitoj 12,500 paund me 50 cent është e pabesueshme. Sidomos pas një viti të shënuar nga pandemia në të cilën vështirë se kam qenë në gjendje të punoj.
Unë mendoj se i gjithë Handsëorth po mbështet Atlético de Madrid dhe unë jam i kënaqur që ndeshja finale do të zhvillohet kur pub-et të rihapen. Do të jetë festa e vitit në vendin tim Calthorpe Arms nëse fitoj”, ka thënë Carl Edwards për mediat vendase./Halit Delibashi-Sport Ekspres/