Juventusi do të përballet sot me Frozinonen në çerekfinale të Kupës së Italisë. Në listën e lojtarëve të përzgjedhur nga Alegri gjendet edhe ai i Luis Hasës. Talenti shqiptar është shpërblyer për paraqitjet e tij pozitive me ekipin U23 të “zonjës së vjetër”.
Juventusi ka publikuar formacionin zyrtar me të cilin do të sfidojë Frozinonen dhe Hasa ndodhet në stol, i gatshëm për t’u aktivizuar në rast se e kërkon Alegri. Mesfushori shqiptar është vetëm 19 vjeç dhe është pjesë e moshave të Italisë, me të cilët arriti të fitonte edhe Kampionatin Europian për moshat nën 19 vjeç./Halit Delibashi-Sport Ekspres/
