Partizani tashmë ka një sponsor të përgjithsshëm dhe klubi i kuq e ka zyrtarizuar diçka të tillë përmes një postimi në faqen zyrtare në “Facebook”. Do të jetë kompania MCN partnerja zyrtare e klubit të kuq deri në fund të sezonit.
“MCN do të jetë deri në fund të sezonit sponsori i përgjithshëm i Klubit me mundësi zgjatje të afatit kontraktual. MCN tashmë do të jetë një prej partnerëve kryesor të Klubit jo vetëm për aktivitetet kombëtare në vend, por edhe në kompeticionet evropiane. MCN është një shoqëri shqiptare e fushës së internetit, pionere e teknologjive online, me suksese të shumta ndër të cilat shquhen platforma e parë OTT për streaming online, e para me sistemet e monitorimit të lojërave (prej 2012) dhe lider në platformat e marketingut digjital
Ky bashkëpunim i MCN dhe FK Partizani është një tregues i besimit të ndërsjellë mes kompanisë dhe ekipit. Mbështetja ndaj kësaj skuadre vjen si rrjedhojë e besimit të plotë në suksesin e Partizanit dhe në përfaqësimin e denjë brenda dhe jashtë vendit. MCN do të mbështesë Klubin në vijimësi të projekteve të tij, duke qenë tashmë partner edhe në sport”, thuhet në njoftimin e Partizanit.
