Partizani po vazhdon me goditje të bujshme në merkaton e verës. Të kuqtë kërkojnë që të lënë gjurmën e tyre në Europë dhe këtë herë duket se e kanë marrë seriozisht. Së fundmi ishte Pano Qirko që u zyrtarizua nga Teuta si huazim tek të kuqtë, vetëm për ndeshjet e Europës. Menjëherë pasi ato të përfundojnë, Qirko do të kthehet në Durrës.
E njëjta gjë do të funksionojë edhe për Adnard Mehmetin. “Gazeta Blic” në Kosovë raporton se mesfushori i njohur i Erzenit, që ka shkëlqyer në këtë sezon, do të kalojë te Partizani në formën e huazimit për ndeshjet e Europës. /Sport Ekspres/