Liridon Latifi e ka mbyllur aventurën e tij te Vllaznia. Në kohët e fundit ky futbollist është parë më tepër në infermieri sesa në fushën e blertë. Tashmë nis një tjetër eksperiencë për këtë lojtar, me shumë mundësi te Tirana. Ndërkohë është vet lojtari që ka zyrtarizuar largimin nga Vllaznia.
“Me dorën në zemër, faleminderit KF Vllaznia dhe faleminderit e gjithë Shkodra për dy vitet në këtë qytet të zjarrtë për futbollin. Uroj që Vllaznia të jetë gjithmonë pretendente ashtu si i ka hije. Falënderoj presidentin Xhaferi dhe gjithë tifozërinë shkodrane”, shkruhet nga Latifi. /Elio Hajdari-Sport Ekspres/