Suksesi i Piolit me Milanin, nuk mund të anashkalohej nga drejtuesit kuqezi, të cilët kanë gati rinovimin e kontratës. Sipas mediave italiane, Stefano Pioli do të nënshkruajë një kontratë të përmirësuar 2 vjeçare ditën e premte. “Calciomercato.com” bën të ditur se trajneri është i gatshëm ta nënshkruajë kontratën e re që nesër dhe pritet të përfitojë rreth 3.5 milionë euro në sezon plus bonuse.
Nën drejtimin e Piolit, Milani ka krijuar një identitet në fushën e lojës, duke shmangur kështu kohërat më të errëta. Aktualisht Milani ndodhet në vendin e parë në kampionat së bashku me Napolin, si dhe do të luajë shansin e artë të kualifikimit në Uefa Champions League./Elio Hajdari-Sport Ekspres/