Danijel Subasiç ishte një ndër lojtarët më të dalluar të kombëtares kroate gjatë rrugëtimit drejt finales së Botërorit “Rusi 2018”. Gardiani 33-vjeçari u bë heroi i kombit kroat me performancën e shkëlqyer gjatë goditjeve nga pika e bardhë ndaj Danimarkës dhe Rusisë.
Por, Subasiç ka marrë duartrokitjet dhe brohorërimat e popullit të tij edhe për një gjest tjetër. Gjatë pritjes madhështore në Zagreb, 33-vjeçari ka përdorur reflekset e tij të shkëlqyera për të shmangur rënien nga autobusi të kolegut të tij Domagoj Vida, i cili humbi ekuilibrin, duke qenë i hutuar nga atmosfera festive në kryeqytetin e kroatëve.