Historia e merkatos së Thomas Strakoshës është kthyer si dikur “telenovela” e Elseid Hysajt. Që në sezonin e parë me ekipin e Napolit është folur shumë për mbrojtësin shkodran se do të hidhte edhe një hap tjetër të madh në karrierë. Emra ekipesh dilnin dhe qarkullonin në çdo janar dhe me nisjen e verës, por asnjëherë nuk do të mbërrinte zyrtarizimi. Shumë sezone qëndrimi për të mbërritur në pikën ku Sarri e tërhoqi te Lacio.
Ndërkohë shumë është përfolur edhe për Thomas Strakoshën sa i përket largimit nga Lacio. Gardiani shqiptar ka menduar seriozisht largimin pasi nuk ka ndierë vlerësim të madh në kryeqytet, por paraqitjet fantastike në ndeshjet e fundit po ndryshojnë mendjen e drejtuesve që kërkojnë rinovimin e kontratës. /Sport Ekspres/