Besojeni ose jo, por që prej mbërritjes në Manchester City, Haaland nuk ka shënuar asnjë gol në finale, gjë që është thjesht e pabesueshme.
Me Haaland në ekip, Citizens luajtën dy finale të Community Shield në 2022 dhe 2023, ata luajtën finalen e FA Cup në 2023 dhe finalen e Champions League në 2023.
Në ato katër finalet e lartpërmendura, Haaland kishte gjithsej 20 goditje në portë, që janë pesë për ndeshje dhe nuk shënoi asnjë gol!
Finalja e radhës për Manchester Cityn është dueli i Superkupës së Europës kundër Sevillas, i cili do të zhvillohet më 16 gusht në stadiumin Georgios Karaiskakis të Pireut. /Elio Hajdari-Sport Ekspres/