Albion Rrahmani është zyrtarizuar ditëm e sotme në radhët e Rapidit të Bukureshtit. Sulmuesi 22-vjeçar ishte thesari më i çmuar në Ballkanin e Ilir Dajës. Rrahmani ka një meritë të madhe në suksesin e klubit nga Suhareka, me të cilët ka fituar dy herë radhazi titullin kampion dhe ka luajtur në grupet e Ligës së Konferencës.
22-vjeçari tashmë do të nisë një kapitull të ri në karrierën e tij. Ish-lojtari i Ballkanit largohet nga Kosova me një rekord të vendosur. Transferimi i tij prej 600 mijë eurosh bëhet më i shtrenjti në historinë e kampionatit të Kosovës. Rrahmani ka firmosur një kontratë 3-vjeçare në elitën e Rumanisë./Halit Delibashi-Sport Ekspres/