Sulejman Starova ka komentuar nga studio e “Rubrikës Sportive” në RTSH situatën e skuadrave të kreut. Ish-trajneri i Partizanit ka treguar se pse Kukësi nuk ndodhet aty ku të gjithë e kishin pritur.
“Kukësi bëri shumë ndryshime dhe normalisht duhet shumë kohë për t’u përshtatur. Këtë edicion ka pësuar dhe shumë gola deri tani 6. Edhe dëmtimi i Musollit iu ka prishur punë. Nuk është diferencë dhe e madhe me kreun, pasi janë edhe 3 pikë dhe diferenca është vetëm 6 pikë.
“Partizani ka bërë më pak ndryshime, pasi ka ndërhyrë pak në merkato këtu është dallimi. Skënderbeu e ruajti boshtin, pasi po aktivizon lojtarë që i ka pasur aty apo i ka pasur të huazuar. Ka marr Bregun, po ashtu dhe Gripshi. Po bën mirë deri tani”.