Milan do të zhvillojë mbrëmjen e nesërme ndeshjen ndaj Empolit në transfertë, e cila është e vlefshme për javën e gjashtë të Serisë A. Kuqezinjtë vijnë pas barazimit të hidhur ndaj Atalantës, ku u barazuan nga bergamaskët vetëm në minutën e 92-të.
Gjithsesi ditën e sotme ka ardhur lajmi që ka tronditur jo pak ambientin në shtëpinë e “djallit”. Gonzalo Higuain nuk do të jetë i gatshëm për trajnerin Gatuzo si pasojë e një dëmtimi. Një lajm me të vërtetë shumë i keq për Gatuzon, duke futur këtu edhe kondicionin e Kutrones, i cili ende nuk është 100 % gati. Një dhimbje koke për teknikun italian, i cili duket se i duhet të bëjë pa sulmues në transfertën ndaj Empolit.