Napoli shpërfytyrohet nga Samdoria në transfertë. Defrel ka qenë ai që i ka ccmontuar në pjesën e parë, teksa ka realizuar dy gola. I pari erdhi pas një kundërsulmi të shpejtë dhe me një goditje në hyrje të zonës nuk i la mundësi reagimi portierit mik.
Te goli i dytë nuk mund të gabonte pas asistit të Kualjarelës dhe pjesa e parë u mbyll 2-0. Goli i tretë, ai i Kualjarelës, është për “kornizë”. Ancceloti do ketë punë me ekipin e tij këtë periudhë, pasi kjo humbje e pësuar djeg fort.
Atalanta e Berishës dhe Gjimshitit, të cilët ishin titullarë kundër Kaljarit, është mposhtur në shtëpi me rezultatin 0-1. Një gol i Barelës në të 45’ vendosi fatet e këtij takimi. Më nisjen e pjesës së dytë Gjimshiti la fushën e lojës, pasi në fushë zbriti Papu Gomez, por deri në fund Atalanta nuk mundi dot as të barazojë dhe doli e mposhtur.
Barazim pa gola në Verona mes Kievos dhe Empolit. Frederik Veseli vijon të qëndrojë në stol për miqtë. Feston Thomas Strakosha dhe Lacio e tij. Kryeqytetasit triumfuan në shtëpi kundër Frozinone. Ishte Luis Alberto ai që shënoi për skuadrën e Inzagit në minutën e 49-të. Ndeshja me më shumë gola e mbrëmjes ka qenë ajo midis Sasuolos dhe Xhenoas. Tetë gola të realizuar, ku bien në sy edhe shënues si Boateng dhe Pandev.
Serie A – Java 3
Atalanta-Kaljari 0-1
Shënues: Barela 45’
Kievo-Empoli 0-0
Lacio-Frozinone 1-0
Shënues: Alberto 49’
Sampdoria – Napoli 3-0
Shënues: Defrel 11’, 32’, Kualjarela 75
Sasuolo-Xhenoa 5-3
Shënues: Boateng 34’, Lirola 38’, Babakar 41’, Spoli 45+1’, Ferrari 62 / Pjatek 27’, 83’, Pandev 70’