Lojtarët e Egnatias do të kenë mundësinë të shijojnë një miqësore luksi në datën 13 gusht. Lajmi është bërë i ditur prej disa ditësh, ndërsa sot ka ardhur zyrtarizimi edhe nga faqja zyrtare e Interit në “Facebook”. “Shënojeni datën”, ka shkruar klubi zikaltër.
Takimi do të luhet në datën 13 gusht, duke nisur nga ora 20:00. Ndeshja do të zhvillohet në stadiumin “Paolo Mazza”. Një përballje që do të ngulitet gjatë në mendjen e futbollistëve të Egnatias si një nga kujtimet më të bukura dhe të veçanta në karrierën e tyre./Halit Delibashi-Sport Ekspres/