Marko Verrati mund të rinovojë shumë shpejt me PSG. Klubi parisien, duke pasur frikë edhe nga zërat e merkatos, është duke menduar një super kontratë për të blinduar italianin.
Dhe, flitet për shifra rekord. Sheiku Al Thani po mendon për një kontratë deri më 30 qershor të vitit 2023 për thuajse 11 mln euro në sezon. Në fund të kontratës, Verrati do të ketë mbushur 31 vjeç.
Kujtojmë që rasti i Verratit është i veçantë. Kurrë nuk ka shkelur fushën e Serisë A, pasi nga Seria B ka kaluar në Paris, duke u blerë nga PSG për thuajse 12 mln euro te Peskara.