Skënderbeu luan të dielën me Kastriotin në Krujë. Korçarët kërkojnë tre pikët dhe trajneri Shehi këtë ndeshje duket se nuk do të ketë sërish sulmuesin Ardit Hoxhaj, i cili ende nuk është rikuperuar pas dëmtimit të pësuar gjatë fazës përgatitore.
Korçarët, për të pasur ritmin e duhur, kanë menduar të bëjnë edhe një ndeshje miqësore para takimit me krutanët. Sot ata do të kenë përballë pogradecin fqinj dhe trajneri Shehi do të ketë mundësinë të shohë gjendjen e skuadrës së tij, që luajti të premten me Partizanin në shtëpi.
“Ndeshje miqësore! Sot, ora 17:00 në Stadiumin ‘Skënderbeu’ do të zhvillohet takimi miqësor ndaj Pogradecit. Drejtuesit e klubit kanë programuar në momentin e fundit një test në dispozicion të trajnerit Orges Shehi, i cili do të ketë mundësinë të provojë në kushte loje lojtarët që kanë pasur më pak minuta në dispozicion dhe lojtarët e ardhur së fundmi në provë”, njofton klubi korçar.