Sarri ishte vetëm fillimi i punës! Tare përvesh mëngët për dëshirat e trajnerit të ri, Hysaj kryeson listën

0

Lacio ka zyrtarizuar Mauricio Sarrin si pasardhës të Simone Inzagit në krye të pankinës dhe është gati të nisë një kapitull të ri në futbollin italian. Por mbyllja e marrëveshjes me Sarrin ishte vetëm fillimi i punës për Igli Taren, i cili tashmë përvesh mëngët për të plotësuar dëshirat e merkatos të trajnerit italian.

Listën e dëshirave e kryeson një njohje e vjetër e 62-vjeçarit, Elseid Hysaj. Mbrojtësi shqiptar ka qenë zbulimi i Sarrit në kohën kur drejtonte Empolin, ndërsa më pas do e merrte pas vetes edhe në kalimin e tij në Napoli. Hysaj është lojtar i lirë këtë verë dhe afrimi i tij me bardhekaltrit është një pistë që ka shumë mundësi të ndodhë.

Në objektivat e Lacios ndodhet edhe Zherom Boateng, por duke qenë se negociatat me të mund të jenë të vështira, atëherë plani rezervë është Maksimoviç. Sa i përket mesfushës Tare duhet të punojë për të bindur Loftus-Cheek, i cili mund të arrihet përmes formulës së huazimit me të drejtë blerje në fund. Ndërsa në repartin e sulmit qarkulljnë emrat e Iliçiç dhe Politano./Halit Delibashi-Sport Ekspres/

You might also like

Leave A Reply

Your email address will not be published.