Sanço, fenomeni anglez që rishkruan historinë e Bundesligës

0

Xhejdon Sanço shënoi sot për Dortmundin dhe ishte goli që e ka futur në historinë e futbollit gjerman.

Në moshën 18-vjeçare, talenti i kombëtares angleze ka mbërritur në kuotën e 8 golave në Bundesligë, diçka që nuk e ka bërë asnjë moshatar i tij në historinë e futbollit gjerman.

Shtatë gola Sanço i ka shënuar në sezonin aktual, duke mahnitur Europën, sepse është përfshirë në 20 gola në gjithë sezonin dhe në këtë moment është ndër lojtarët më të çmuar në planet, aq sa Dortmundi zor se e shet për çmim më të ulët se Kilian Mbape apo Nejmar.

Sanço dha edhe një asist në ndeshjen e sotme, ndërsa iu anulua një gol në fillim të sfidës së barazuar 3-3 kundër Hofenhajmit.

You might also like

Leave A Reply

Your email address will not be published.