Ish-lojtari i përfaqësueses braziliane, Ronaldo Nazario De Lima, ka kaluar disa ditë shumë të vështira. 41-vjeçari shfaqi simptoma gripi gjatë pushimeve që po kalonte në ishullin e Ibizas. Por, edhe pse një sëmundje në dukje e lehtë, për Ronaldon nuk ka rezultuar kështu.
Komplikacionet nga gripi detyruan doktorët ta vendosnin brazilianin në kujdes intensiv, megjithatë me e keqja ka kaluar dhe ditën e sotme, ish-futbollisti i Realit, Barcelonës, Milanit dhe Interit ka marrë më në fund dritën jeshile për t’u larguar nga spitali. Në një postim të tij në rrjetet sociale, Ronaldo falënderoi të gjithë personat që e mbështeten në këto ditë të vështira.
Amigos, tuve un cuadro de fuerte gripe en Ibiza y tuve que ser internado el viernes pero ya está todo en orden. Mañana recibo el alta y vuelvo a casa. ¡Gracias a todos/as por vuestro cariño y vuestros mensajes!
— Ronaldo Nazário (@Ronaldo) August 12, 2018