Pavel Nedved, zëvendës/presidenti i Juventusit, ka folur për ecurinë e skuadrës në kampionat dhe në Champions, por edhe rreth merkatos dhe zërave se bardhezinjtë mund të rikthejnë Pol Pogba në merkaton e janarit. Komentet, ai i bëri gjatë një interviste për “Sky Sport”.
Nedved tha: “Pogba? Mendoj se është një prej futbollistëve më të mirë në botë. Është një lojtar mjaft cilësor, por që është në pronësi të Mançester Junajtid. Janari është ende larg… ne jemi gjithmonë të vëmendshëm në merkato, por ka ende kohë”.
“Duhet të shohim vetëm veten tonë dhe të vazhdojmë në këtë rrugë. A erdhi kthesa ndaj Junajtid? Natyrisht që fitorja i jep besim skuadrës, lojtarët zhvilluan një prej ndeshjeve më të bukura të Juventusit në ‘Olld Traford’ dhe tashmë nuk duhet ta ulim rritmin”.