Milot Rashica i befasoi të gjithë me skuadrën e re që zgjodhi për të vijuar të ardhmen e tij. Për sulmuesin shqiptar një vit më parë viheshin në garë ekipe si Milani e Liverpool-i, ndërsa vetë lojtari dëshironte të luante në Champions League. Por koha i ndryshoi tërësisht gjërat për 24-vjeçarin.
Ky sezon që u mbyll foli kundër tij, ku dëmtimet dhe Covid-19 e ndaluan të përsëriste të njëjtin shkëlqim si më parë. Vlera e kartonit të futbollistit të Kosovës ka shkuar në rënie të lorë në harkun kohor të vetëm një viti. Dikur Verder Bremen nuk e lëshonte as për 30 milionë eurot e ofruara nga Aston Villa, ndërsa sot gjermanët e lënë të lirë për vetëm 9.5 milionë paund./Halit Delibashi-Sport Ekspres/