Përvoja te Watford-i nuk ka shkuar mirë për Rei Manajn. Sulmuesi shqiptar u penalizua nga një dëmtim që e la gjatë jashtë fushe, duke humbur kështu mjaftueshëm terren hierarkitë e lojtarëve. Lojtari i Kombëtares kuqezi mund të largohet nga Anglia, ndërsa interes për të kanë shfaqur ekipe në Spanjë, Itali dhe Turqi.
Një emër konkret që është shfaqur në skenë për Manajn është Udinese. Mediat italiane raportojnë se futbollisti shqiptar mund të zëvendësojë Nestorovskin në një rast të mundshëm largimi të këtij të fundit. Një zgjidhje e bërë brenda familjes, teksa Manaj do të ndërronte kampionat, por jo presidencë. Si Udinese, ashtu edhe Watford-i zotërohen nga familja Pozzi./Halit Delibashi-Sport Ekspres/