Real Madridi dhe Barcelona, një “luftë” që nuk do të përfundojë kurrë, madje as ajo jashtë fushe. Sipas medieve spanjolle, dy klubet gjigante të La Ligës janë në garë për 18-vjeçarin e Bajer Leverkuzenit, Atakan Akainak. Djaloshi i talentuar është mesfushor difensiv, po luan edhe më përpara.
Ndryshe ai quhet “Verrati gjerman”, sepse ka një stil shumë të ngjashëm loje me mesfushorin e kombëtares italiane. Sikur të mos mjaftonte Reali dhe Barça, për të është i interesuar edhe Çelsi. Duke marrë parasysh faktin se Akainak është pjesë e futbollit gjerman, me siguri që do të ndërhyjë edhe Bajerni. Kështu ndodh gjithmonë, apo jo?