Kilian Mbape është kthyer në çështje në Francë. Sulmuesi francez duket i vendosur për të qendruar në Paris deri në verën e ardhshme, në mënyrë që të largohet me parametra zero drejt Realit të Madridit. Por klubi i PSG-së nuk dëshiron kurrsesi që të lërë një nga futbollistët më të mirë në qarkullim të largohef me kosto zero.
Klubi francez ka vendosur që ta shesë Mbapenë këtë verë, por po has në rezistencën e këtij të fundit. Për këtë arsye PSG-ja po shton trysninë mbi lojtarin. Klubi ka paralajmëruar 24-vjeçarin se do të shesë shokët e tij të skuadrës në rast se ai vendos përfundimisht me parametra zero në vitin e ardhshëm. Në një situatë të tillë ekipi parisien do të humbiste rreth 200 milionë euro, të cilet mendon t’i arkëtojë përmes shitjes së shokëve të skuadrës së Mbapesë./Halit Delibashi-Sport Ekspres/