PSG nuk ka ndërmend të ndalë shpenzimet e çmendura. Sipas medies angleze “Daily Express”, klubi parisien është favoriti për të blerë kartonin e sulmuesit të Kristal Palas, Uilfred Zaha.
Lojtari i skuadrës londineze ka qenë një ndër lojtarët më të mirë të ekipit londinez, duke regjistruar 9 gola dhe 9 asistime në 31 ndeshje.
Për të marrë shërbimet e Zaha, PSG-së i duhet të mposhtë konkurrencën e klubeve si Çelsi dhe Arsenal që kanë shfaqur interes për lojtarin, ndërsa Palas kërkon që ankandi për “xhevahirin” e skuadrës së tyre të fillojë nga 60 milionë euro.