Juventusi i rinovoi kontratën mesfushorit Miralem Pjaniç, i cili së fundmi është grumbulluar nga kombëtarja e tij për ndeshjet e Nations League. Futbollisti i bardhezinjve ishte titullar kundër Irlandës së Veriut dhe luajti për 83 minuta.
Por së fundmi ai ka pasur një dëmtim dhe është në dyshim për ndeshjen e së martës kundër Austrisë. Nuk dihet shkalla e dëmtimit, por vetëm të hënën do të mësohet. Pritet që Pjaniç të bëjë kontrolle të detajuara për të mësuar gjendjen e tij.
Shpresohet që mos të ketë ndodnjë gjë serioze. Mesfushori është pjesë e rëndësishme e formacioni të Juventusit dhe trajneri Alegri normalisht kërkon ta ketë në dispozicion sa më shpejt.