E ardhmja e Mirel Josës te Prishtina u vu në dyshim pas eliminimit të skuadrës kryeqytetase nga kualifikueset e Champions League. Medie të ndryshme në Kosovë raportuan se klubi kishte ndërprerë marrëveshjen me trajnerin që drejton Prishtinën prej dy sezonesh.
Megjithatë, klubi ka përgënjeshtruar këto lajme me anë të një postimi në rrjetet sociale. Në njoftimin e bërë , klubi konfirmon se Josa do të vazhdojë të jetë në krye të Prishtinës dhe se lajmet për shkarkimin e tij kanë qenë të orkestruara .