Ngjarje e çuditshme ajo që vjen nga South Jersey, ku një adoleshent në një shkollë të mesme u detyrua të priste flokët në momentet para se të ndeshen në një kompeticion shkollash.
Sportisti i wrestling, Andrew Johnson, garonte për ekipin Buena Regional High School Chiefs në Atlantic County dhe ajo që i ndodhi kur po bëhej gati për ndeshjen e tij ishte absurde: arbitri i ndeshjes nuk e lejonte të ndeshej, duke i thënë: “Pri flokët, ose humbet ndeshjen!”.
Ngjarja ka marrë përmasa të mëdha dhe videoja ka bërë xhiron e botës, ndërkohë që gjithçka është fryrë edhe për shkak se sportisti ishte një person me ngjyrë, ndërsa arbitri Alan Maloney ishte i bardhë, duke bërë që episodi të konsiderohet racizëm.
Për momentin gjyqtari është pezulluar, derisa çështja të analizohet me imtësi, sepse disa kolegë i kanë dalë në mbrojtje Maloney-t, duke thënë se ai kishte ndjekur rregullat e vendosura pak vite më parë.
Ndërkaq, një zyrtar i Federatës së Wrestling në New Jersey, Howie O’Neill, deklaron se djaloshit iu komunikua se duhej të gjente një mënyrë për të mbuluar flokët e tij, por nuk e detyruan të priste flokët.
Epitome of a team player ??
A referee wouldn't allow Andrew Johnson of Buena @brhschiefs to wrestle with a cover over his dreadlocks. It was either an impromptu haircut, or a forfeit. Johnson chose the haircut, then won by sudden victory in OT to help spark Buena to a win. pic.twitter.com/f6JidKNKoI
— Mike Frankel (@MikeFrankelSNJ) December 20, 2018