Partizani është ekipi shqiptar që ka “peshkuar” më të fortët në shortin e hedhur për turin e dytë në Conference League. Të kuqtë do të përballen kundër Bazelit të Zvicrës dhe do të provojnë të pamundurën për të kaluar më tej, megjithëse gjuha e shifrave nuk flet për Partizanin.
Skuadra ka udhëtuar drejt Zvicrës dhe ka mbërritur përpara disa minutash. Lojtarët dhe stafi janë akomoduar në hotelin “Novotel” të Baselit. Sigurisht që në këtë udhëtim nuk mund të mungonte edhe presidenti Gaz Demi që kërkon të motivojë futbollistët për të nxjerrë më të mirën nga aftësitë e tyre. /Sport Ekspres/