Teksa të gjithë prisnin zyrtarizimin e Rei Manajt te Famalicao dhe largimin e tij nga Barcelona, një ftesë e papritur ka ardhur për sulmuesin shqiptar. Ky i fundit është përfshirë në listën e ekipit të parë të katalanasve për ndeshjen miqësore që do të zhvillohet sot kundër Gimnastic në orën 19:00.
Barcelona ka publikuar para disa minutash listën e futbollistëve të thirrur ku përfshihej edhe Manaj. Nuk dihet ende nëse kjo është strategji e spanjollëve për t’i rritur disi kreditet Reit në merkato apo nëse do të jetë shansi i provës për të luajtur ato pak përqindje që të mbetet si alternativ për ekipin e parë. /Sport Ekspres/
