Franca nuk arriti që të fitonte ndaj Hungarisë duke u ndalur në barazimin 1-1. Mbape nuk e bëri diferencën ashtu si edhe në ndeshjen e parë kundër Gjermanisë. I ftuar në “Sport Magazine” që drejtohet nga Altin Sulçe ishte edhe gazetari i njohur, Gjergj Stefa. Ky i fundit vendosi theksin te fakti se ylli i PSG nuk kishte hapësirat e nevojshme ndaj një kundërshtari që luan në mbrojtje.
“Mbappe kërkon hapësira. Gjermanët krijonin hapësira dhe për këtë arsye shkëputet me kundërsulmin, kur është një për një me kundërshtarin. Por hungarezët luajnë në mbrojtje dhe për këtë arsye Mbape nuk është i njëjti. Pastaj mos të harrojmë se edhe ai është njerëzor”, tha Stefa. /Sport Ekspres/