Sinemati ishte i ftuar në emisionin “Procesi Sportiv” ku ka komentuar ndeshjen mes Vllaznisë dhe Kastriotit. Krutanët arritën që të përmbysnin përballjen për t’i dërguar shifrat në 1-2, ndërsa Sinemati ka shpjeguar largimin e tifozëve shkodranë. E di pse kanë ikur shkodranët? Se nuk besojnë te Vllaznia.
Ata e kuptojnë se kur është dobët dhe kur është e dorëzuar. Nuk ishte përjetimi i një humbje teknike kjo e fundit, por e një ane morale të dobët. Nuk i heq meritë Kastriotit, por Vllaznia nuk ia bëri ysmetin dhe njerëzit largohen se e kuptojnë futbollin. Mos u merrni shumë me Egnatian dhe Kastriotin se ngrihet perdja për këto të tjerat”, tha Sinemati. /Elio Hajdari-Sport Ekspres/