Armando Sadiku nuk arriti të siguronte dot një biletë për La Liga, me Las Palmasin që u eliminua në fazën e parë të “play off”-it. Sezoni i sulmuesit shqiptar nuk shkoi në mënyrën më të mirë për të, teksa iu desh të provonte stolin për një kohë të gjatë. Ndryshimi i trajnerëve solli në fund pak qetësi për lojtarin nga Elbasani.
Sadiku nisi të ishte titullar nën urdhërat e Garsia Pimientës dhe besimin e shpërbleu me disa gola mjaft të rëndësishëm për skuadrën. Për lojtarin e Kombëtares u duk si të kishte ndodhur një rilindje në sezonin e tij, por shpresat nuk duhet të qendrojnë të larta. Kontrata e tij skadon këtë verë dhe sipas “Udlspalmas.com”, Sadiku nuk është në stilin e trajnerit të klubit./Halit Delibashi-Sport Ekspres/