Kristjan Asllani është vetëm një hap larg kalimit te Interi. Mesfushori shqiptar është një nga talentet më të spikatura të këtij sezoni në Serie A, duke tërhequr kështu një interes të lartë nga klubet më të mëdha të Italisë.
Asllani ka gjetur gjuhën e përbashkët me zikaltrit në termat personalë. Sipas mediave italiane, 20-vjeçari ka firmosur në një kontratë 5-vjeçare, nga e cila do të përfitojë 1.2 milionë euro në sezon. Ndërkohë Interi ka ofruar 9.5 milionë euro në tryezën e Empolit, por këta të fundit nuk dëshirojnë më pak se 12 milionë euro për ta lënë të lirë. Sipas mediave italiane, Interi po mendon të fusë në negociata edhe një prej lojtarëve që ka në zotërim./Halit Delibashi-Sport Ekspres/