Dejan Stankoviç, një figurë ikonë e klubit të Interit mund të mbërrijë në Shqipëri si kundërshtari i Tiranës. Kjo pasi ish-futbollisti i njohur drejton aktualisht Crevena Zvezdën, atje ku mjafton kualifikimi i bardhebluve ndaj Dinamo Tbilisit dhe ekipi serb do të mbërrijë në Shqipëri. Nga ana tjetër nuk duhen shumë kombinime pasi Zvezda nuk mund të bëjë hapa të gabuar me kampionen e Gjibraltarit, Europën. Por kë kundërshtar preferon Dejan Stankoviç në turin e dytë?
“Përpara të gjithave, duhet të arrijmë suksesin tonë dhe pastaj të shohim për Dinamo Tbilisin apo Tiranën. Ne nuk i njohim ende dhe nuk e dimë se kush do të luajë në turin e dytë. Koha e do e tregojë dhe do të nisim me studimin e kundërshtarit. Sigurisht, do të ishte ideale që ta luanim ndeshjen në shtëpi, por nuk mund të ndryshojmë asgjë. Gjëja më e rëndësishme është që ekipi ynë ndodhet në formë të mirë dhe kjo më gëzon më shumë”, tha Stankoviç. /Sport Ekspres/