Pas kualifikimit, Sherifi synon t’i marrë Kukësit edhe Gurin

Shkodrani ka marrë një ofertë nga kundërshtari në Champions, por mbetet problem kontrata me Kukësin

Jurgen Zela

Në të dy takimet me Sherifin e Tiraspolit, Sindrit Guri, u aktivizua në rolin e një mesfushori krahu, ku siç e panë të gjithë u përshtat mjaft mirë. Paraqitja e tij ka lënë përshtypje të mirë dhe tek kundërshtarët, të cilët e kanë veçuar sulmuesin nga pjesa tjetër e skuadrës. Burime të sigurta për “Sport Ekspres” bëjnë me dije se drejtuesit e Sherifit kanë kontaktuar dy ditë më parë shkodranin dhe i kanë paraqitur atij një ofertë konkrete. Stafi teknik e ka në listën e dëshirave lojtarin, megjithatë në mes është Kukësi, me të cilin Guri ka dhe një vit kontratë.

Image may contain: 2 people, people playing sports, stadium and outdoor
PROBLEMATIKA
Guri u afrua një sezon më parë në radhët e Kukësit, duke firmosur një kontratë 1+1. Pas përfundimit të kupave të Europës, një pikë e klauzolës ka bërë që kontrata të rinovohet automatikisht dhe së paku deri në verën e vitit 2018 do të jetë pjesë e kuksianëve. Normalisht që oferta e ardhur nga Sherifi do të merret në konsideratë nga lojtari, por siç mësohet moldavët nuk kanë shprehur gatishmërinë që të blejnë kartonin e lojtarit. Fillimisht Guri duhet që të shohë mundësinë për të ndërprerë me mirëkuptim kontratën me Kukësin, çka do t’i hapte rrugën drejt Moldavisë, ku e presin. Mbetet për t’u parë nëse Kukësi do të gjejë mirëkuptimin, apo nuk do të lejojë që të privohet nga shërbimet e një lojtari. Me siguri Gjici do ta shohë si mundësi për të mbushur arkat e klubit, duke shpresuar tek shitja e Gurit, por nuk duket dhe aq shpresëdhënëse se këmbëngulja e moldavëve do të jetë kaq e madhe. 23-vjeçari gjatë sezonit që u mbyll u aktivizua në 25 takime, nga të cilat vetëm 5 si titullar, duke arritur që të shënojë dhe dy gola.

Image may contain: 1 person, playing a sport and outdoor

Leave a Reply

Your email address will not be published. Required fields are marked *

where can i buy doxycycline over the counter buy doxycycline online