Lufta mes Mbapesë dhe PSG-së vazhdon. Klubi parisien ka vendosur të pranojë ofertën shokuese nga Arabia Saudite. Sipas asaj që raporton Fabricio Romano, gjigantët e francs i kanë dhënë dritën jeshile transferimit të Mbapesë drejt Al-Hilalit për 300 milionë euro. Një shifër kjo që do të vendoste edhe rekordin për transferimin më të shtrenjtë në historinë e futbollit. Nga ana tjetër klubi arab i ofron sulmuesit 24-vjeçar një pagë prej 700 milionë eurosh përgjatë një viti.
Shifra stratosferike që do të bënin këdo të thoshte pa hezitim “po”, por në këtë kategori duket se nuk përfshihet lojtari francez. Mbape i ka të qarta idetë në kokën e tij dhe ka zgjedhur të qendrojë një vit në stol me PSG-në, në mënyrë që në verën e ardhshme të largohet me parametra 0 drejt Realit të Madridit./Halit Delibashi-Sport Ekspres/