Nuk paraqitet në stërvitje, Shtubina misterioz: Nuk është çështje page

0

Ndriçim Shtubina nuk është paraqitur në dy ditët e fundit në stërvitje dhe problemi mendohet se lidhet me pagat, sepse burime brenda skuadrës bëjnë të ditur se rroga e muajit maj nuk është likuiduar akoma nga ana e klubit.

Drejtuesit kanë garantuar futbollistët dhe stafin teknik që pagat mujore do të kalojnë shumë shpejt në numrat e llogarive të gjithsecilit, por ndërkohë ka pakënaqësi në skuadër dhe nuk përjashtohet që kapiteni ta ketë ndërmarrë këtë hap si shenjë proteste.

Megjithatë, sot Shtubina ka mohuar gjithçka, me një deklaratë të shkurtër: “Nuk është e vërtetë ajo çka thuhet. Prisni edhe pak, Shtubina nuk ka nevojë për një rrogë. Për momentin kaq, krejt shkurt”.

Një deklaratë misterioze, që nuk kuptohet qartë, pasi kapiteni shkodran thotë që të presim edhe pak. Nëse ka pasur dëmtim, do të merrej vesh nga lojtari ose klubi, por nëse Shtubina ka ndonjë plan tjetër dhe mendon largimin nga Vllaznia, kjo mbetet për t’u parë në vazhdim.

You might also like
Leave A Reply

Your email address will not be published.