Nuk mjaftoi eliminimi, festimi i Uillson tërbon tifozët në “Old Traford”

0

Mbrëmjen e kaluar bëri bujë në Angli, padyshim eliminimi i Mançester Junajtid. Të besuarit e Zhose Murinjos u eliminuan nga Derbi Kaunti, të cilët nga ana e tyre drejtohen nga legjenda Frenk Lampard.

Për sa i përket sfidës, ndeshja u mbyll ne shifra të barabarta, 2-2 dhe më pas nga pika e bardhë e penalltive, të besuarit e Lampard ishin më të saktë. Gjatë ndeshjes, ajo që ra më shumë në sy ishte pikërisht goli i barazimit të Derbit në minutën e 58-të, ku dhe shifrat shkuan 1-1. Ishte një goditje dënimi e ekzekutuar mjeshtërisht nga 21-vjeçari Herri Uillson, i cili la të palëvizur portierin e Junajtid, Serxho Romero.

Përveçse golit ajo që tërboi akoma më shumë tifozët në “Old Traford” ishte mënyra e festimit të mesfushorit. Herri Uillson është një lojtar në pronësi të Liverpul dhe aktivizohet te Derbi si i huazuar. Festimi i uellsianit ishte me njërën dorë të ngritur, duke treguar numrin e trofeve të “Champions League”, që numëron Liverpul. Një festim që u bë dhe para disa vitesh nga Fernando Torres, pikërisht në teatrin e ëndrrave.

You might also like

Leave A Reply

Your email address will not be published.