Nuk kanë më idhuj Sergio Ramos dhe Van Dijk, talentet e Veronës shohin vetëm…Marash Kumbullën

0

Nga Klaudio Ndreca

Për futbollistët e rinjë të Veronës dhe më saktësisht për mbrojtësit, nuk shihen më si idhuj lojtarë të kalibrit Serxho Ramos dhe Van Dijk. Pra duke ëndërruar të ardhmen e tyre, tashmë nuk është më e nevojshme që të shohin kaq larg.

“Si do të bëhesh në të ardhmen?”. Për një pjesëtar të akademisë së Veronës përgjigja është e thjeshtë: “Si Marash Kumbulla”. Mbrojtësi i Shqipërisë bëri kalimin nga të rinjtë te skuadra e parë dhe me vetëm një sezon, edhe ky i papërfunduar, mori vendin e titullarit dhe tashmë vlerësohet më tepër sesa 30 milionë euro.

Një shembull i pastër për të gjithë talentet e Veronës që kanë motiv më shumë për t’u stërvitur. Këtë e ka pohuar edhe vetë mbrojtësi Eugenio Bracelli i lindur në 2002. Për herë të parë ka bërë stërvitje me ekipin A të Veronës, duke marrë këshilla nga trajneri Juric. “Mua më pëlqen shumë mënyra sesi vepron klubi, Kumbulla e ka ndierë gjithmonë veten gati, në pozicionin e duhur. Të shohësh Kumbullën që bën kaq mirë është padyshim një stimul më tepër për ne të rinjtë”, është shprehur Bracelli. /Sport Ekspres/

You might also like

Leave A Reply

Your email address will not be published.