Mediat kroate kanë nisur me shkrimet para ndeshjes mes Shqipërisë dhe Kroacisë. Këtë herë ata kanë sjellë në qendër të vëmendjes një ish-lojtar shqiptar, Kujtim Shalën. Ky i fundit e nisi rrugëtimin e futbollit nga Kosova, ishte pjesë e Partizanit të Beogradit dhe Dinamo Zagrebit.
Gjithashtu Shala ka luajtur një ndeshje me Kombëtaren e Kroacisë. Në një intervistë për “Vecernji list”, ish-futbollisti do të shprehej se nuk ishte penduar për zgjedhjen e tij. “Gjithçka ndodhi, nuk ishte e lehtë për njerëzit e mi që jetonin në Kosovë, ajo ndeshje për Kroacinë nuk u prit mirë, por nuk jam penduar aspak.
Nga viti 1990 nuk shkova ne Kosovë deri në vitin 1999, e di qe nuk do të kaloja mirë, gruaja ime shkonte me fëmijët, gjithmonë e pyesnin në kufi nëse është gruaja ime dhe pse nuk po shkoja më në Kosovë. Thanë lloj-lloj gjërash, por unë jam krenar për atë ndeshje për Kroacinë dhe do të jem gjithmonë”, tha Shala. /Sport Ekspres/