Luis Nazario de Lima është një prej futbollistëve më të mirë të të gjitha kohërave. Gjurmët që ka lënë në këtë sport nuk mund të fshihen, ndërsa pengu i vetëm ishin dëmtimet e rënda në gju që e detyruan të tërhiqej.
Por që në moshë të herët, Ronaldo tregoi dashurinë e tij për këtë sport, si një brazilian që jetonte 24 orë për të. Nga ana tjetër, mamaja e tij bëri tre punë për t’i siguruar gjithçka i duhej. Sigurisht, në gjithë atë kohë nuk e mendonte se sa do i vinte shpërblimi.
Në një intervistë për mediat braziliane, ajo deklaroi se luante lloto pothuajse çdo ditë dhe shpresonte të fitonte xhekpotin, por nuk e kishte idenë që xhekpoti ishte në shtëpinë e saj. “Kam luajtur lloto pothuajse çdo ditë duke shpresuar të fitoj xhekpotin, por as që e dija se bileta fituese po i thyente gjërat në dhomën e ndenjjes me topin e futbollit,” tha Sonia, nëna e Ronaldos. /Elio Hajdari-Sport Ekspres/