Laçi do të përballet me Universitatea Craiova këtë të enjte në Ligën e Konferencës, ndërsa shorti e ka njohur me edhe kundërshtarin që do të ndeshet në rast kalimi në turin e tretë, Anderlechti. Drejtori i imazhit të klubit rumun ka folur për mediat, ku e bën të qartë se nuk do të nënvlerësojnë kurbinasit në duelin e radhës, pasi sipas tij janë një ekip i vështirë që duhen mundur.
“Ne nuk do të shkojmë me pushime. Tani ne do të fitojmë një betejë, për të fituar një ndeshje të rëndësishme për të ardhmen e klubit. Sidomos pas dështimit të sezonit të kaluar (me Lokomotiv Tbilisi). Është një ekip për t’u mundur (Laçi), është e qartë se unë mendoj se jemi shumë më mirë se ata, por nëse e trajtojmë lojën sipërfaqësisht, siç kemi bërë shumë herë, mund të gabojmë. Akoma, është një ekip i sikletshëm. Një ekip që vrapon shumë. Ata nuk kanë vlerën tonë, por ata duhet të trajtohen si çdo ekip i mirë.
Nuk mendoj se Anderlecht ka frikë. Mendoj se ai kishte një ekip të mirë vite më parë dhe nuk mendoj se as futbolli belg është i mirë. Për ekipet e klubeve, unë mendoj se vetëm Brugge mund të jetë një ekip i lartë për momentin”, ka thënë Gica Craioveanu./Halit Delibashi-Sport Ekspres/