E pabesueshme: Frank De Bur ia doli mbanë të përsëritë vetveten, një vit pas dështimit kolosal tek Interi. Në Itali e punësuan në gusht dhe e larguan në nëntor, në fund të një ecurie mediokre, aventurë që zgjati 85 ditë!
Sot ka ardhur thyerja e rekordit: Kristal Palas e ka pushuar nga puna trajnerin holandez pas vetëm 77 ditësh në drejtim! Nuk është rekord, por aty pranë, sepse De Bur bëhet trajneri i tretë me jetëshkurtër në stolin e një klubi të Premier Ligës, pas Les Rid të Çarltonit (40 ditë në vitin 2006, 7 ndeshje) dhe Rene Mulensten (Fulham, 2013/14, 74 ditë në drejtim).
CPFC have parted company with Frank de Boer.
Statement: https://t.co/4jANV0eNFH pic.twitter.com/hPRazGmJhf
— Crystal Palace F.C. (@CPFC) September 11, 2017
Zero fitore, 0 gola të shënuar, 4 humbje rresht, fillimi më i dobët në historinë e Premier Ligës për çdo klub anglez. Asnjë trajner në histori nuk ishte larguar nga puna me kaq pak ndeshje në drejtim.
Palas ka humbur durimin, ka grisur kontratën 3-vjeçare, i ka dhënë 5 milionë sterlina trajnerit dhe e ka nisur pa ceremoni në Holandë.
Tashmë pritet që Roj Hoxhson të firmosë një kontratë dy-vjeçare me klubin londinez, por në garë është edhe Alardajs. Jo rastësisht, dy ekspertë të futbollit anglez, ndryshe nga De Bur, i cili ka fituar vetëm në Holandë me Ajaksin.