Një ngjarje e dhimbshme nuk mund ta rrëzonte, Khabib Nurmagomedov rikthehet të mbrojë titullin në 24 tetor

0

Khabib Nurmagomedov humbi babain në datën 5 korrik, si pasojë e COVID-19. Abdulmanap Nurmagomedov u nda nga jeta në moshën 57 vjeçare, pasi qëndroi disa ditë në koma, por pa arritur të dalë fitimtarë nga kjo betejë. Pas vdekjes së personit më të afërm në jetën e Khabib, të gjithë analistat e MMA po dyshonin nëse ai do të rikthehej përsëri të luftone në kafaz.

Megjithatë, Khabib tregon që ai nuk është një njeri normal. Pavarësisht se i duhet të jetojë me dhimbjen e pamasë, rusi nga Dagestani nuk e ka ndalur asnjëherë stërvitjen. Presidenti i UFC, Dana deklaroi ditën e sotme se në 24 tetor do të zhvillohet ndeshja për unifikimin e titullit kampion të peshave të lehta mes Khabib Nurmagomedov dhe Justin Gaethje. /Sport Ekspres/

You might also like

Leave A Reply

Your email address will not be published.