Një legjendë për Shkëndijën, sulmuesi futet në histori

0

Besar Ibraimi mund të konsiderohet si një prej lojtarëve më të mëdhenj të historisë së klubit të Shkëndijës. Sulmuesi ishte vendimtar në ndeshjen e fundit me Shkupin duke shënuar 2 gola, por më i veçantë është fakti se sulmuesi ka prekur kuotën e 100 golave në ndeshjet zyrtare me skuadrën kuqezi.

71 realizime Ibraimi i ka arritur në kampionatin maqedonas, 15 gola i ka shënuar në Kupën e Maqedonisë dhe 14 të tjerë në kompeticionet europiane, saktësisht 5 në Champions dhe 9 në Europa League. Vetëm në 3 sezone të shënosh kaq shumë gola nuk është pak dhe në Tetovë duhet të jenë të lumtur që e kanë në gjiron e tyre.

Jo vetëm në Maqedoni, por në gjithë botën është shumë e vështirë që një sulmues të arrijë një shifër kaq të lartë golash me një skuadër të vetme. Ibraimi pa diskutim është futur në historinë e klubit, kjo për faktin se do të jetë shumë e vështirë që të gjendet një tjetër futbollist që të arrijë një shifër të tillë golash.

You might also like
Leave A Reply

Your email address will not be published.